"სარჩელი შემაქვს სასამართლოში ჩემი პატივის, ღირსების და საქმიანი რეპუტაციის შელახვისთვის" - პაატა ბურჭულაძე შალვა რამიშვილს უჩივის - VIDEO
ფონდ „იავნანას“ დამფუძნებელი, პაატა ბურჭულაძე სოციალურ ქსელში ვიდეოს აქვეყნებს და წერს, რომ ტელეწამყვან, შალვა რამიშვილს სასამართლოში უჩივის.
"სარჩელი შემაქვს სასამართლოში ჩემი პატივის, ღირსების და საქმიანი რეპუტაციის შელახვისთვის. ასეა როცა ენა წინ გისწრებს და ახლა ამტკიცე ვინ არის ჩვენს შორის მიმთვისებელი და თაღლითი“, - წერს ბურჭულაძე.
ცნობისთვის, Post TV-ის დამფუძნებელმა და ტელეწამყვანმა, შალვა რამიშვილმა ბურჭულაძე "საქველმოქმედო თანხების გაფლანგვასა" და თაღლითობაში დაადანაშაულა და თავის გადაცემაში იმ მუსიკოსებზე ისაუბრა, რომლებიც რამდენიმე დღის წინ ნიკა გვარამიას თავისუფლების მოძრაობას შეუერთდნენ.
