ნორვეგია რუსეთის საელჩოს 15 თანამშრომელს ქვეყნიდან აძევებს
ნორვეგიამ რუსეთის საელჩოში მომუშავე დაზვერვის 15 ოფიცერი პერსონა ნონ გრატად გამოაცხადა. ინფორმაციას ნორვეგიის საგარეო საქმეთა სამინისტრო ავრცელებს.
"დაზვერვის 15 ოფიცერი ეწეოდა საქმიანობას, რომელიც არ შეესაბამება მათ დიპლომატიურ სტატუსს. ეს არის მნიშვნელოვანი ნაბიჯი ნორვეგიაში რუსული დაზვერვის საქმიანობის დონის შესამცირებლად და ჩვენი ეროვნული ინტერესების დასაცავად“, - თქვა ანიკენ ჰუიტფელდტმა, საგარეო საქმეთა მინისტრმა.
