ყველაზე ღირებული საჩუქარი სიყვარულია, რომელსაც გასცემთ

ერთხელ კაცმა თავისი მცირეწლოვანი ქალიშვილი ოქროსფერი შესაფუთი ქაღალდის დახარჯვისთვის დასაჯა. მამა გაბრაზდა, როცა ბავშვმა ოქროსფერი ქაღალდით ნაძვის ხის ქვეშ დასადგმელი ყუთის გაფორმება სცადა.

მიუხედავად ამისა, გოგონამ მამას საჩუქარი შობის დღეს მიუტანა და უთხრა: "ეს შენთვისაა, მამიკო".

კაცს შერცხვა თავისი გადაჭარბებული რეაქციის გამო, თუმცა ის კვლავ გაბრაზდა, როდესაც დაინახა, რომ ყუთი ცარიელი იყო. მამამ შვილს დაუყვირა: "არ იცი, რომ საშობაო ყუთში საჩუქარიც უნდა იდოს?"

პატარა გოგონამ აცრემლებული თვალებით შეხედა მამას და ატირდა; ”ო, მამიკო, ყუთი არ არის ცარიელი. მე მასში კოცნები ჩავყარე. ისინი ყველა შენთვისაა, მამიკო.“

ამ სიტყვების მოსმენისას მამა ემოციურად განადგურდა. ის გოგონას შემოეხვია და პატიება სთხოვა.

მცირე ხნის შემდეგ გოგონა ავარიას ემსხვერპლა. მამა ოქროსფერ ყუთს გოგონას საწოლთან ინახავდა მრავალი წლის განმავლობაში და როცა თავს დაღლილად გრძნობდა, მოჩვენებით კოცნას იღებდა და ბავშვის სიყვარულს იხსენებდა, რომელიც მან ყუთში დაუტოვა.“