უკრაინაში ომი შესაძლოა, რამდენიმე წელი გაგრძელდეს - როგორია პოლონეთის პრემიერ-მინისტრის პროგნოზი?
პოლონეთის პრემიერ-მინისტრმა, მატეუშ მორავიეცკიმ „ენბისისთან“ ინტერვიუში განაცხადა, რომ უკრაინაში ომი შესაძლოა, რამდენიმე წელი გაგრძელდეს.
„ჩვენ ვერ ვივარაუდებთ ზუსტ თარიღს, როდის დასრულდება ომი. ჩვენ ვაკვირდებით სიტუაციას ფრონტის ხაზზე და ამის შესაბამისად ვმუშაობთ უკრაინის მხარდასაჭერად დასავლეთ ევროპის ქვეყნების პარტნიორებთან ერთად“, – აღნიშნა მორავიეცკიმ.
ცნობისთვის, 2022 წლის 24 თებერვალს რუსეთის პრეზიდენტმა ვლადიმერ პუტინმა უკრაინაში სრულმასშტაბიანი ომი დაიწყო.
