უკრაინამ ომში დაღუპული 82 სამხედრო მოსამსახურის ცხედარი დაიბრუნა
უკრაინამ ომში დაღუპული 82 სამხედრო მოსამსახურის ცხედარი დაიბრუნა, - ამის შესახებ ინფორმაციას უკრაინული მედია რეინტეგრაციის სამინისტროს პრესსამსახურზე დაყრდნობით ავრცელებს.
„უკრაინის დროებით ოკუპირებული ტერიტორიებიდან ცხედრების გადმოსვენება განხორციელდა რეინტეგრაციის სამინისტროს უგზო-უკვლოდ დაკარგულ პირთა კომისრის ოფისის დახმარებით, სამართალდამცავ უწყებებთან თანამშრომლობით“, - აღნიშნულია უწყების ინფორმაციაში.
ცნობისთვის, 2022 წლის 24 თებერვალს რუსეთის პრეზიდენტმა ვლადიმერ პუტინმა უკრაინაში სრულმასშტაბიანი ომი დაიწყო.
