"კიდევ ერთს გამოატანინეს ბაჩალიაშვილის ოჯახზე საზიზღარი ამბები" - რას წერს ჟურნალისტი?
ჟურნალისტი, თამო კეშელავა სოციალურ ქსელში პოსტს აქვეყნებს და გარდაცვლილი 23 წლის პროგრამისტის, თამარ ბაჩალიაშვილის საქმესთან დაკავშირებით წერს.
"კიდევ ერთს გამოატანინეს ბაჩალიაშვილის ოჯახზე საზიზღარი ამბები - ხოდა, ისეთ კაცს დააწერინეს - სიტყვა ტრაგედია რომ არ იცის, როგორ იწერება...
ტრაღედიაო, წერს და ოჯახის ტრაგედიას ოჯახსვე აბრალებს!
ამ ქვეყანაში შსს-ს, სუსის, პროკურატურის საქმე შეუთავსებია "გამპრავებლებს"!!!
იმედია, დასჯაზე როცა მიდგება საქმე, პასუხისმგებლობასაც "გამპრავებლები" აიღებენ!
რაც ახლა დაწერეთ, რომ იცოდეთ, როდის მითხრეს მე - ადვოკატი მიშა რამიშვილს ემახსოვრება, როდის დავურეკე და დავუსვი უხერხული კითხვა!
მას მერე ველოდები, რომელი იტვირთავს!
მე რატომ არ გავავრცელე, არ ივარაუდოთ, გეტყვით, ეს ის ბრალდებაა, რომელის საბუთიც უნდა არსებობდეს - ხოდა საბუთი მოვითხოვე, მოვითხოვე და ვერ მომცეს!
ძალიანაც უნდოდათ გაჟღერება, მაგრამ საბუთი ვერ მომცეს!
ახლა უსაბუთოდ დადეს - "ოცნების გამპრავებლები" მარტო სხვებს სთხოვებ საბუთებით წერას!
საბუთს შეაკოწიწებებ აწი, ალბათ...
როცა "გამპრავებელთა" ასეთი რაზმი გყავს - ყველაფერი მარტივია!
ისე, რა მაგრად იწვალეთ და რა მაგრად აწვალეთ, რომ ეგ საზიზღრობაც გამოგეტანათ!
მანქანის ექსპერტიზა არ ჩაგიტარებით, ჭორების გავრცელებისთვის რატომ გცალიათ?
და ერთი პატარა ნიუანსი დაგავიწყდათ, 21 ივლისს მთელი ფონიჭალა გამოვიდა აქციაზე! ცუდი ოჯახების გვერდით მთელი უბანი არ დგება!
ვიცი, საპატრიარქოშიც გაატანეთ ჩიტს ეგ ამბავი - მაგრამ, პატრიარქმა შემოგითვალათ, თქვენი ყვავი თქვენთვის შეინახეთო!
2020 წელი.
შეიცვალა რამე?
არა, შეიცვალა რამე უკეთესობისკენ?", - წერს ჟურნალისტი.
შეგახსენებთ, რომ 23 წლის პროგრამისტი, თამარ ბაჩალიაშვილი 2020 წლის 18 ივლისს გაუჩინარდა. ის 5-დღიანი ძებნის შემდეგ თეთრიწყაროს ტყესთან, საკუთარ მანქანაში გარდაცვლილი იპოვეს. ბაჩალიაშვილის საქმეზე გამოძიება თავისუფლების უკანონო აღკვეთის მუხლით დაიწყო, შემდეგ კი ბრალდების კვალიფიკაციას თვითმკვლელობამდე მიყვანის მუხლი დაემატა. პროკურატურის ინფორმაციით, მან სიცოცხლე თვითმკვლელობით დაასრულა.
