ძლიერი შტორმი თურქეთის მიწისძვრის ზონაში - დაიღუპა 1 ადამიანი და 50 დაშავდა - VIDEO
თურქეთის პროვინცია, კაჰრამანმარაშს, ძლიერი შტორმი დაატყდა თავს. ამის შესახებ ინფორმაციას Sabah-ი ავრცელებს.
თურქეთის ჯანდაცვის მინისტრის, ფაჰრეტინ კოჩას განცხადებით, ძლიერი შტორმისა და წვიმის შედეგად კაჰრამანმარაშის რეგიონში 1 ადამიანი დაიღუპა და 50 დაშავდა.
ძლიერმა ქარიშხალმა კარვების ქალაქი გაანადგურა, სადაც მიწისძვრის შედეგად დაზარალებულები იმყოფებოდნენ.
ძლიერმა ქარმა დაზიანებულ შენობებს სახურავები ახადა და ხეები მოგლიჯა.
შეგახსენებთ, თებერვლის დასაწყისში მომხდარმა მიწისძვრებმა თურქეთსა და სირიაში 52 000-ზე მეტი ადამიანის სიცოცხლე შეიწირა.
Deprem bölgesi Kahramanmaraş Pazarcık'ta fırtına çıktı. Depremzedelerin kaldığı çadırlar yıkıldı.
Fırtına sonrası görüntüler geçmiş olsun #pazarcıkdeprem pic.twitter.com/GHhVQ73I5S — teknoloji meraklısı1881 (@Merakl84) April 21, 2023
