საბერძნეთში, მასშტაბური ძარცვის მთავარი ფიგურანტი ქართველია - სამართალდამცავთა მტკიცებით, მან საქართველოში 300 000 ევროს ღირებულების ნაქურდალი ჩამოიტანა

სა­ბერ­ძნეთ­ში და­ა­კა­ვეს სა­ქარ­თვე­ლოს მო­ქა­ლა­ქე, რო­მელ­საც ცნო­ბი­ლი ბერ­ძე­ნი ბიზ­ნეს­მე­ნის ძარ­ცვა ედე­ბა ბრა­ლად. ამის შესახებ ინფორმაციას "რუსთავი2" ავრცელებს.

არსებული ინფორმაციით, და­ნა­შა­უ­ლი და­ახ­ლო­ე­ბით ერთი წლის წინ მოხ­და, ამ პე­რი­ოდ­ში ქარ­თვე­ლი ბრალ­დე­ბუ­ლი სამ­შობ­ლო­ში ჩა­მო­ვი­და და თან 300 000 ევ­როს ღი­რე­ბუ­ლე­ბის ნა­ქურ­და­ლი ჩა­მო­ი­ტა­ნა. ის დანაშაულის ადგილზე დაბრუნდა, თუმცა ამჯერად არ გაუმართლა და  საბერძნეთის ციხეში აღმოჩნდა.

43 წლის ოს­მან ხმა­ლა­ძე, სა­ბერ­ძნეთ­ში გახ­მა­უ­რე­ბუ­ლი ძარ­ცვის მთა­ვა­რი ფი­გუ­რან­ტია. ბერ­ძე­ნი სა­მარ­თალ­დამ­ცვე­ლე­ბის ინ­ფორ­მა­ცი­ით, ახალ­გაზ­რდა მა­მა­კაც­მა კა­ლო­ნი­კა­ში ცნო­ბი­ლი ბიზ­ნეს­მე­ნის სახ­ლი გა­ძარ­ცვა, სე­ი­ფი­დან 300 000 ევ­როს ღი­რე­ბუ­ლე­ბის ძვირ­ფა­სე­უ­ლო­ბა და ნაღ­დი ფული გა­ი­ტა­ცა, რამ­დე­ნი­მე დღე­ში კი მსხვი­ლი ნა­ძარ­ცვით სა­ბერ­ძნე­თი­დან სა­ქარ­თვე­ლო­ში გა­მო­ემ­გზავ­რა.

გახმაურებული ძარცვის დეტალებზე საუბარი არ სურთ საქართველოში, ოსმან ხმალაძის ახლობლებს. ისინი ამბობენ მხოლოდ იმას, რომ მამაკაცი წლებია ცოლ-შვილთან ერთად საბერძნეთში ცხოვრობს.

ის, რაზეც ახლობლებს საუბარი არ სურთ, დეტალურადაა ასახული ბერძნული გამოძიების მასალებში. ირკვევა, რომ დანაშაულის ჩადენის შემდეგ საქართველოში გაქცეული მამაკაცი, უკან, საბერძნეთში შეცვლილი ვინაობით დაბრუნდა.

საბერძნეთის პოლიციამ ბრალდებულის საცხოვრებელ მისამართზე ჩატარებული ჩხრეკისას 12 ოქროს ფუნტი, 19 000 სომხური დრამი, 15 გრამი კანაფი, ორი პისტოლეტი და სავარაუდოდ, ნაძარცვი ძვირფასეულობა ამოიღო.