ირაკლი ღარიბაშვილი უნდა შეგხვდეს, ყოველდღე ვუყურებთ შვილების სიკვდილს თვალებში - მშობლების ემოციური მიმართვა
აქონდროპლაზიის სინდრომის მქონე ბავშვების მშობლები მთავრობის ადმინისტრაციასთან საპროტესტო აქციას მართავენ.
აქციის მონაწილეები ცდილობდნენ, რომ უშუალოდ კანცელარიის შესასვლელთან მისულიყვნენ და იქ დამსხდარიყვნენ, მაგრამ სამართალდამცველებმა ამის შესაძლებლობა არ მისცეს.
ადგილზე ათობით პოლიციელია მობილიზებული.
"თუ არ შეგვხვდება პრემიერი ჩვენ, ვერ შეხვდება ვერავის. ვერცერთი აქ მომუშავე თანამშრომელი. ჩვენ ეს სახელმწიფო ვერ გვხედავს. ჩვენ ყოველდღიურად ვუყურებთ შვილის სიკვდილს თვალებში",- ამბობს ერთ-ერთი მშობელი.
