აეროპორტიდან $20 მილიონი მოიპარეს - რას წერს "დიდი ქურდობის" შესახებ BBC?
ბრიტანული გამოცემა BBC-ის ინფორმაციით, ტორონტოს საერთაშორისო აეროპორტიდან $20 მილიონი კანადური დოლარის ($15 მილიონი აშშ დოლარი) ღირებულების ოქრო მოიპარეს.
მედიის ცნობით, ტორონტოს აეროპორტს ხშირად იყენებენ ონტარიოს პროვინციაში მოპოვებული ოქროს გადასაზიდად.
როგორც გამოცემა აღნიშნავს, შემთხვევა 17 აპრილს მოხდა.
BBC წერს, რომ ოქროთი სავსე კონტეინერი აეროპორტში საღამოს მიიტანეს, მოგვიანებით კი ტვირთის შესანახ ობიექტზე გადაიტანეს.
ინსპექტორის განმარტებით, დაკარგულ კონტეინერში ოქროს გარდა სხვა ღირებული პროდუქტიც იყო.
