შვილების სიცოცხლის გადასარჩენად ერთადერთ მედიკამენტს ვითხოვთ, სად არის სახალხო დამცველი? - აქონდროპლაზიის მქონე ბავშვების მშობლების პროტესტი გრძელდება
აქონდროპლაზიის მქონე ბავშვების მშობლები, საქართველოს პრემიერ-მინისტრთან, ირაკლი ღარიბაშვილთან შეხვედრას კვლავ მოითხოვენ.
დედების მოთხოვნა უცვლელია - "შვილების სიცოცხლის გადასარჩენად ერთადერთ მედიკამენტს ვითხოვთ, მთავრობა კი უარზეა".
"არ დავნებდებით, ვითხოვთ ირაკლი ღარიბაშვილთან შეხვედრას", - აცხადებენ აქციის მონაწილეები.
მოზარდების მშობლები სახალხო დამცველსაც მიმართავენ და მოუწოდებენ, დაინტერესდეს მათი პრობლემით.
