"დედების შეუპოვრობამ ჯერ თავს ვერ უშველა, მაგრამ ონკოლოგიურ პაციენტ ბავშვებს სიკეთე მოუტანა" - რას წერს თამარ ჩერგოლეიშვილი?
"ტაბულას" დამფუძნებელი, თამარ ჩერგოლეიშვილი სოციალურ ქსელში წერს, რომ აქციებმა სულ მცირე, შედეგი გამოიღო ონკოლოგიური დიაგნოზის მქონე 300 ბავშვს სახელმწიფო დააფინანსებს.
"ამ 12-მა ბავშვმა და მათი დედების შეუპოვრობამ ჯერ თავს ვერ უშველა, მაგრამ ონკოლოგიურ პაციენტ ბავშვებს სიკეთე მოუტანა - სიცოცხლე აჩუქა.
ესენი რომ არა, რეჟიმი ამ გადაწყვეტილებას არ მიიღებდა.
ასეთი ჯაჭვია პოლიტიკური პროცესი.
ჯაჭვურმა რეაქციამ პეტრემდე და მის ბედქვეშ მყოფებამდეც უნდა მიაღწიოს", - წერს ჩერგოლეიშვილი.
ცნობისთვის, ონკოლოგიური დიაგნოზის მქონე 300 ბავშვის მკურნალობას სახელმწიფო სრულად დაფარავს.
