"ეს იყო ცრუ ინფორმაცია" - რას აცხადებს ნუცა ბუზალაძე ენ ჰეთეუეიზე? VIDEO

ქართველი მომღერალი, ნუცა ბუზალაძე, რომელიც მეგა შოუ American Idol-ში მონაწილეობს, აცხადებს, რომ ოსკაროსან მსახიობ ენ ჰეთეუეისთან დაკავშირებით გავრცელებული ინფორმაცია, სიცრუეა.

კერძოდ, როგორც მომღერალმა განმარტა, ინფორმაცია, თითქოს ენ ჰეთეუეი ნუცას მხარდამჭერი პოსტი დაწერა, სიმართლეს არ შეესაბამება.

"პოსტი მსახიობის "ფან გვერდმა" დაწერა", - განაცხადა ვიდეო მიმართვისას ბუზალაძემ.

ცნობისთვის, მანამდე სოციალურ მედიაში შემდეგი სახის გავრცელდა ინფორმაცია:

„ის ფენომენალურია. თქვენ მას უკვე ვერ იტანთ იმ საოცარი ხმისთვის, რომელიც ბევრ პროფესიონალ ადამიანს აოცებს. თქვენ მას ვერ იტანთ ცეკვისთვის სიმღერის დროს, რაც საკმაოდ შთამბეჭდავია და წარმოაჩენს ნიჭსა და სუნთქვის კონტროლს. თქვენ მას ვერ იტანთ მისი დუეტის პარტნიორის გამო, რომელიც შურით იყო სავსე და სცადა ნუცა ჟიურის წინაშე ავტობუსის ქვეშ ჩაეგდო, მაგრამ თქვენ ძალიან გაღელვებთ ის ფაქტი, რომ ნუცა დასაძინებლად წავიდა, რადგან იფიქრა, რომ დღე დასრულებული იყო.

თქვენ ვერ იტანთ მას თავისი წარმომავლობის, შეხედულებების, გამოცდილების და ბევრი რამის გამო. მე არ მადარდებს სხვების აზრი, ამ გოგოს ყველაფერი აქვს იმისთვის, რომ ვარსკვლავი იყოს და ამ წამს ის სწორედ მიზნისკენ მიმავალ გზას ადგას. თუკი არაფერი სასიამოვნო არ გაქვთ სათქმელი, უბრალოდ თავი დაანებეთ და მიეცით საშუალება იყოს ბედნიერი იმისთვის, რასაც საკუთარი ძალებით მიაღწია".

შეგახსენებთ, რომ ნუცა ბუზალაძე  American Idol-ის ფინალში, 12 საუკეთესო კონკურსანტს შორის მოხვდა.