კახა კალაძეს მასტერ ლიგის პოპულარიზაციისთვის სპეციალური ჯილდო გადაეცა
თბილისის მერს, კახა კალაძეს მასტერ ლიგის ორგანიზატორებისგან სახეობის პოპულარიზაციაში შეტანილი წვლილისთვის საგანგებო ჯილდო გადაეცა. ინფორმაციას ამის შესახებ მასტერ ლიგის ფედერაციის ოფიციალური ვებგვერდი ავრცელებს.
„მასტერ ლიგის მხარდაჭერისთვის და მის განვითარებაში შეტანილი წვლილისთვის, დედაქალაქის მერმა და ჩემპიონატის გამორჩეულმა მონაწილემ, კახა კალაძემ მასტერ ლიგის გუნდისგან სპეციალური ჯილდო მიიღო“, – წერს მასტერ ლიგის ფედერაციის ოფიციალური ვებგვერდი.
აღსანიშნავია, რომ მასტერ ლიგაზე ბევრი ცნობილი ფეხბურთელი თამაშობს – ლევან მჭედლძე, ჯანო ანანძე, ალეკო ამისულაშვილი, ლაშა თოთაძე, შოთა კაშია, ნიკა ძალამიძე. საქართველოს მასტერ ლიგის ნაკრები კი დაარსებიდან ექვსი წლის შემდეგ მსოფლიო ჩემპიონატზე გავიდა.
