ბათუმში ავტობუსის გაჩერებაზე ავტომანქანა შევარდა და მოსწავლეებს დაეჯახა - დაშავებულია 2 ბავშვი
ბათუმში, შარაბიძეების დასახლებაში, ავტობუსის მოსაცდელთან, მეთორმეტეკლასელ მოსწავლეებს ავტომანქანა დაეჯახა.
დაშავებული ბავშვები საავადმყოფოში არიან გადაყვანილნი.
როგორც კლინიკაში აცხადებენ, მოსწავლეებს მოტეხილობები არენიშნებათ.
"ერთი გოგოა და მეორე ბიჭი დაშავებული. როგორც ვიცით, მოსწავლეები ავტობუსის მოსაცდელთან იდგნენ, ელოდებოდნენ ავტობუსს, რა დროსაც მანქანა შევარდნილა.
ამ დროისთვის დაშავებულები სტაბილურები და კონტაქტურები არიან და უტარდებათ კვლევები“, – განაცხადეს კლინიკაში.
