ზუგდიდში მიტოვებული ჩვილი იპოვეს
ზუგდიდში, ქუჩაში მიტოვებული ჩვილი იპოვეს. ჩვილი, სავარაუდოდ, 2 დღისაა.
გავრცელებული ინფორმაციით, იგი რუხში, სკოლის გვერდით არსებულ გზაზე იპოვეს.
დედის ვინაობა დადგენილია, თუმცა ის ჯერჯერობით არ დაუკავებიათ. ადგილობრივები ამბობენ, რომ სავარაუდოდ ქალი ორსულობას მალავდა.
ახალშობილის მდგომარეობა დამაკმაყოფილებელია, ჯანმრთელია და ის ამ დროისთვის საავადმყოფოში შემოწმებებს გადის.
