ოკეანის ფსკერზე 20 000 უძველესი ვულკანი აღმოაჩინეს - მეცნიერების ახალი კვლევა

მკვლევართა ჯგუფმა, რომელსაც კალიფორნიის სკრიპსის ოკეანოგრაფიიის ინსტიტუტის დედამიწის მეცნიერი ჯული გევორგიანი ხელმძღვანელობდა, ახალი თანამგზავრული მონაცემების საფუძველზე, 19 000-ზე მეტი წყალქვეშა მთა აღმოაჩინა.

როგორც გევორგიანი აღნიშნავს, ამდენი წყალქვეშა მწვერვალის აღმოჩენაზე ფიქრიც კი წარმოუდგენელია.

„განსაკუთრებით მაშინ, როდესაც აცნობიერებ, რამდენად დიდია ეს ზღვის მთები და რომ მათ შესახებ აქამდე არაფერი იყო ცნობილი“.

ზღვის მთები ოკეანეში ვულკანური აქტივობის შედეგად წარმოიქმნება და სიმაღლეში შეიძლება 3-დან 10 კილომეტრამდე იყოს. მათი აღმოჩენა საკმაოდ ადვილია ჰიდროლოკატორით, მაგრამ მხოლოდ იმ შემთხვევაში, თუ მათ თავზე გემი გადაივლის.

უფრო რთულია პატარა, 2 კილომეტრზე ნაკლები სიმაღლის მთების აღმოჩენა, მაგრამ ისინი წარმოქმნიან შუაოკეანურ ქედებს, იქ, სადაც დედამიწის თხელ და დაბზარულ ქერქს ქვეშიდან მაგმა აწვება.

წყარო: 1tv.ge