„რომც გადარჩეს, სიარულს ვეღარ შეძლებს“ - გიორგი ჩალაძე მიხეილ სააკაშვილზე
„ნაციონალური მოძრაობის“ წევრი, გიორგი ჩალაძე ექსპრეზიდენტ, მიხეილ სააკაშვილის ჯანმრთელობის მდგომარეობის შესახებ სოციალურ ქსელში წერს.
„მიშას აქვს გაუსაძლისი ტკივილები. გუშინ მასთან იმყოფებოდა ტკივილის ცენტრის მაღალკვალიფიციური სპეციალისტი ბატონი გაბადაძე, რომელმაც მიშა ბოლოს 3 თვის წინ ნახა. ჰკითხეთ მას რა მდგომარეობაშია პრეზიდენტი.
გუშინდელი მონახულების შემდეგ მიშას მდგომარეობა ბევრად გაუარესებული დახვდა- უკიდურესად არის კუნთები გალეული, არის მწვავე ართროზი და ოსტეოქონდროზი. დაზიანებულია ხერხემალი.
მიშას ჯანმრთელობის მდგომარეობა და პროგნოზები ზედმიწევნით ზუსტად არის ასახული სამედიცინო ექსპერტიზის და სახალხო დამცველის დოკუმენტებში. სამწუხაროდ ყველა პროგნოზი მართლდება.
ყველაფერი იქით მიდის, რომც გადარჩეს მიშა, სიარულს ვეღარ შეძლებს“- წერს გიორგი ჩალაძე.
