რუსეთი კრემლზე დრონით თავდასხმას კონკრეტული ქმედებებით უპასუხებს - სერგეი ლავროვი
რუსეთის საგარეო საქმეთა მინისტრი, სერგეი ლავროვი აცხადებს, რომ რუსეთი კრემლზე დრონით თავდასხმას კონკრეტული ქმედებებით უპასუხებს.
"მოსკოვი უპასუხებს კიევს არა ლაპარაკით, არამედ კონკრეტული ქმედებით. კიევის ტერორისტების ქმედებას სათანადოდ ვუპასუხებთ. ჩვენ დიდი მოთმინება გვაქვს“, - განაცხადა ლავროვმა.
ცნობისთვის, 3 მაისს გავრცელდა ინფორმაცია, რომ ორი უკრაინული დრონი კრემლის ტერიტორიაზე აფეთქდა. რუსეთში მომხდარს ტერაქტი უწოდეს და მასში უკრაინა დაადანაშაულა. კიევი ამ ფაქტთან კავშირს უარყოფს.
