ავსტრალიაში 65 წლის კაცმა, საკუთარი მაღაზია გაძარცვა
ავსტრალიაში, 65 წლის კაცმა საკუთარი მაღაზია გაძარცვა. ინფორმაციას უცხოური მედია ავრცელებს.
სიდნეიში, ცნობილი იუველირი საკუთარი მაღაზიის ძარცვისა და სადაზღვევო კომპანიისთვის თანხის გამოძალვის მცდელობისთვის დააკავეს.
65 წლის მიშელ გერმანი, საკუთარ მაღაზიაში თანამშრომელ ქალთან ერთად იმყოფებოდა, როდესაც შენობაში 2 პირი შეიჭრა და ძვირფასეულობა გაიტანა.
მაღაზიის მეპატრონე სადაზღვევო კომპანიისგან სოლიდურ კომპენსაციას ითხოვდა, თუმცა პოლიციამ მაღაზიაზე თავდამსხმელები დააკავა და გაარკვია, რომ ძარცვა კაცმა თავად მოაწყო.
