Imagine Dragons-ის ბილეთების გაყიდვა დაიწყო - ნახეთ, რა ღირს ბილეთი

Imagine Dragons-ის ბილეთების გაყიდვა დაიწყო. TKT.GE-ზე გამოქვეყნებული ინფორმაციით, მიხეილ მესხის სტადიონზე 31 აგვისტოს გასამართი ბილეთების ღირებულება 125 ლარიდან იწყება და სექტორების მიხედვით 870 ლარამდე იზრდება.

კონცერტზე დასწრების მსურველებს ბილეთების შეძენა 190 ლარად, ასევე 200 ლარად, 250 ლარად, 310 ლარად, 370 ლარად, 500 ლარად და 870 ლარად შეეძლებათ.

"მილიონობით გაყიდული ალბომის და მასშტაბური საკონცერტო ტურნეების დამსახურებით ლას ვეგასში დაფუძნებული ბენდი თავისი მუსიკალური ისტორიის წერას დღესაც წარმატებით განაგრძობს. ალბომ Mercury-ის ტურნე, რომლის ფარგლებშიც ბენდი საქართველოში გამართავს კონცერტს ყველა იმ ჰიტს აერთიანებს, რომლის დამსახურებითაც Imagine Dragons ნამდვილი სუპერსტარების ჯგუფი გახდა, ყველა თავისი მახასიათებლით“, - აღნიშნულია ღონისძიების ორგანიზატორების მიერ გამოქვეყნებულ ინფორმაციაში.

ცნობისთვის, 31 აგვისტოს Starring Georgia-ს ფარგლებშიბენდი Imagine Dragons კონცერტს თბილისში, მიხეილ მესხის სტადიონზე გამართავს. კონცერტი 31 აგვისტოს, 21:00 საათზე დაიწყება, კარი კი 17:00 საათიდან გაიღება.