სამტრედია-ქუთაისის გზაზე დაშავებული ქალის მდგომარეობა მძიმეა
სამტრედია-ქუთაისის გზაზე მომხდარი ავარიის შედეგად დაშავებული ქალის ჯანმრთელობის მდგომარეობა მძიმეა.
66 წლის ქალს მრავლობითი მოტეხილობები აღენიშნება და გადაუდებელი სამედიცინო დახმარება სამტრედიის კლინიკაში უტარდება.
შეგახსნებთ, ავტოსაგზაო შემთხვევა დღეს, დღის მეორე ნახევარში მოხდა. ავარიას ერთი ადამიანი ემსხვერპლა, ხოლო რამდენიმე დაშავდა. შსს-მ მომხდარზე გამოძიება სისხლის სამართლის კოდექსის 276-ე მუხლით დაიწყო.
