ეკოლოგიურ ცვლილებათა კასკადის დრო - რა მოხდება დედამიწაზე?

ჩვენი პლანეტაზე აუცილებლად დადგება ეკოლოგიურ ცვლილებათა კასკადის დრო.

ექსტრემალური სითბური ტალღები, გვალვები, წყალდიდობები და შტორმები უფრო ხშირი და ძლიერი გახდება; დედამიწის ატმოსფეროსა და ოკეანეებში მომწყვდეული ენერგია დაახლოებით ისეა, როგორც გაზიანი სასმლის ბოთლში მოქცეული წნევა.

ახალი კვლევა, რომელშიც 2100 წლისთვის დედამიწის მომავლის სიმულირება მოახდინეს, გვიჩვენებს, როგორ შეიძლება, ტემპერატურისა და ნალექის ფუნდამენტურმა ცვლილებამ შეცვალოს კლიმატი ადგილობრივ დონეზე, თანაც იმდენად, რომ საჭირო გახდება 1880-იან წლებში შექმნილი რუკების ჩასწორება.

„საუკუნის ბოლოსთვის, გლობალური ხმელეთის ტერიტორიათა 38-40 პროცენტი დღევანდლისგან განსხვავებულ კლიმატურ ზონაში იქნება“, — წერს მკვლევართა ჯგუფი, რომელსაც ვირჯინიის ჯორჯ მეისონის უნივერსიტეტის კლიმატური მეცნიერი პოლ დირმეიერი ხელმძღვანელობდა.

იმის მიხედვით, თუ კლიმატის რომელი მოდელები გამოიყენეს მკვლევრებმა სამომავლო გლობალური ცვლილებების პროგნოზირებისთვის, შეფასებები შეიძლება კიდევ უფრო შორს წავიდეს, მაგალითად, დედამიწის ხმელეთის 50 პროცენტი სრულიად უცნობ კლიმატურ ზონაში მოხვდეს. უახლესი თაობის კლიმატური მოდელებით, ეს ცვლილებები კიდევ უფრო გამოკვეთილი ხდება; ეს მოდელები მგრძნობიარეა კლიმატში ცვლილებებისადმი და გლობალური დათბობის უფრო მკვეთრ ტემპებს პროგნოზირებენ.

წყარო: 1tv.ge