G7-ის ლიდერები რუსეთის წინააღმდეგ დამატებითი სანქციების დაწესებაზე შეთანხმდნენ
„დიდი შვიდეულის“ ლიდერები რუსეთის წინააღმდეგ დამატებითი სანქციების დაწესებაზე შეთანხმდნენ.
სანქციები მიზნად ისახავს, გაზარდოს ხარჯები რუსეთისთვის და მათთვის, ვინც მხარს უჭერს მის საომარ ძალისხმევას და უზრუნველყოს, რომ რუსეთს აღარ შეეძლება ენერგეტიკის იარაღად გამოყენება.
„ჩვენ გავაფართოვებთ ჩვენს ქმედებებს, რათა უზრუნველვყოთ, რომ შეიზღუდოს რუსეთის აგრესიისთვის მნიშვნელოვანი ყველა ნივთის ექსპორტი ჩვენს ყველა იურისდიქციაში“, - ნათქვამია განცხადებაში.
ეს მოიცავს „სამრეწველო ტექნიკისა და სხვა ტექნოლოგიების ექსპორტს, რომელსაც რუსეთი იყენებს ომის მანქანის აღსადგენად“.
G7-ის ლიდერებმა კვლავ დაადასტურეს თავიანთი ვალდებულება, უზრუნველყონ „ფინანსური, ჰუმანიტარული, სამხედრო და დიპლომატიური მხარდაჭერა, რომელსაც უკრაინა მოითხოვს იმდენი ხანი, რამდენიც მას სჭირდება“.
„ჩვენი მხარდაჭერა უკრაინის მიმართ ურყევი დარჩება. ჩვენ არ დავიღლებით ჩვენს მისწრაფებაში, შევამსუბუქოთ რუსეთის უკანონო ქმედებების გავლენა დანარჩენი მსოფლიოსთვის“, - აღნიშნულია განცხადებაში.
