გაკვეთილი, რომელიც ადამიანის სწორად შეფასებას გასწავლით
მამა და მისი გოგონა პარკში თამაშობდნენ. მისმა გოგონამ ვაშლის გამყიდველი შენიშნა. მან მამას ვაშლის ყიდვა სთხოვა. მამას ბევრი ფული არ წამოეღო თან, მაგრამ საკმარისი იყო ორი ვაშლის შესაძენად. ასე რომ, მან გოგონას ორი ვაშლი უყიდა.
გოგონამ თითო ვაშლი ორივე ხელში დაიჭირა. შემდეგ მამამ ჰკითხა, შეეძლო თუ არა მისთვის ერთი ვაშლი ეწილადებინა. ამის გაგონებაზე გოგონამ სწრაფად ჩაკბიჩა ერთი ვაშლი და სანამ მამა ლაპარაკობდა, მეორე ვაშლიც ჩაკბიჩა.
მამას გაუკვირდა. აინტერესებდა, რა შეცდომა დაუშვა შვილის აღზრდისას, რომ მან ასეთი გაუმაძღრობა გამოხატა. მან ისიც დაუშვა, რომ შესაძლოა ის უბრალოდ ბევრს სთხოვს გოგონას, რომელიც ჯერ ძალიან პატარაა სხვისთვის რაიმეს გაყოფისა და გულისხმიერების გამოჩენისთვის. მამას სახიდან ღიმილი გაუქრა.
უცებ გოგონამ მამას ცალი ხელით ვაშლი გაუწოდა და თქვა: "მამა, ეს ვაშლი ბევრად წვნიანი და ტკბილია, მიირთვი". მამა დადუმდა. ის შეწუხდა, რადგან მცირეწლოვანი შვილი გააკრიტიკა. მალევე ისევ გაეღიმა, რადგან უკვე იცოდა, თუ რატომ ჩაკბიჩა გოგონამ ორივე ვაშლი.
მორალი: არავინ განსაჯოთ დაუფიქრებლად და დასკვნას ძალიან სწრაფად ნუ გამოიტანთ.
