"მეპატრონე გარდაიცვალა, ბრაკონიერებმაც ისარგებლეს ოჯახის ტკივილით და გაანადგურეს ტბორი" - საგანგაშო ვიდეო ვრცელდება
ლანჩხუთში ბრაკონიერებმა კერძო ტბორში თევზი სრულად გაანადგურეს. საგანგაშო ინფორმაციას და ვიდეოკადრებს სოციალურ ქსელში "M.A.P მოძრაობა ბრაკონიერობის წინააღმდეგ" ავრცელებს.
"ლანჩხუთში ბრაკონიერები უკვე კერძო მეურნეობებს მიადგნე!! სოფელ ქვიანში, ავტობანის პირას არსებული კერძო ტბორი განადგურებულია სრულიად! თევზს არ აღენიშნება დაავადებები, პარაზიტები, არ არის უჟანგბადობის პრობლემა! მეურნეობა განადგურებულია ელექტროშოკური აპარატის გამოყენებით, რისი გაზიდვაც შეძლეს და მოასწრეს გაზიდეს, რაც დარჩათ ლპება წყალსატევში!
ვიდეომასალა გადაღებულია დღეს დილით, კერძო ტბორის მეპატრონე გარდაიცვალა რამდენიმე კვირის წინ, ბრაკონიერებმაც ისარგებლეს ოჯახის ტკივილით და გაანადგურეს ტბორი! აი ასეთი ხალხია!!!
ეს ხალხი იგივეს ყოველდღიურად უკეთებს საქართველოს მდინარეებსა და საერთო სარგებლობაში არსებულ წყალსატევებს, ისინი თევზს არ მოიპოვებენ პირადი მოხმარების მიზნით, მოიპოვრბენ სარეალიზაციოდ და საკმაოდ სოლიდური ფინანსური სარგებლის მიღების მიზნით. სხვა შემთხვევაში, თუნდაც ამ ტბორში სასროლი ბადის გამოყენებით, რამდენიმე საათში ათობით კილოგრამი თევზის დაჭერა იყო შესაძლებელი, მაგრამ ეს მათ არ აკმაყოფილებთ, მათი მიზანია მოიპოვონ ასობით კილოგრამიდა მიიღონ დიდი ფინანსური სარგებელი! ბრაკონიერობა საქართველოში დიდი ხანია იქცა ორგანიზებულ დანაშაულად!!! თევზის მარაგები წყალსატევებში კრიტიკულადაა შემცირებული, თუ სახელნეიფო დროულად არ მიიღებს ხისტ გადაწყვეტილებებს კერძო მეურნეობებზე შეტევები გახშირდება! ვინაიდან მდინარეებში თევზი უბრალოდ აღარ არის!!!
გარემოს დაცვისა და სოფლის მეურნეობის სამინისტრო
გარემოსდაცვითი ზედამხედველობის დეპარტამენტი
საქართველოს მთავრობა
საქართველოს პარლამენტი
სურსათის ეროვნული სააგენტო
შინაგან საქმეთა სამინისტრო
გაიღვიძეთ!
თვალი გაუსწორეთ რეალობას!
ათიათასობით ადამიანი აქ ქარის წისქვილებთან საბრძოლველად არ შევკრებილვართ!", - ნათქვამია გავრცელებულ ინფორმაციაში.
ვიდეო ნახეთ აქ
