გრიგოლეთში 100-წლოვან ნაძვებს ჭრიან - რა ხდება გურიაში?

ლანჩხუთის მუნიციპალიტეტის სოფელ გრიგოლეთში, ე.წ. ბახმაროს დასახლებაში 100-წლოვან ნაძვებს ჭრიან. ამის შესახებ ინფორმაციას „გურია ნიუსი“ ავრცელებს.

„ჭრიან 100-წლოვან ნაძვნარს… იქნებ შეაჩერონ ეს პროცესი. იმედია, დაინტერესდებიან ამ ფაქტით ის ადამიანები, ვისაც ევალებათ ეკოლოგიის დაცვა. ორი დღეა მიმდინარეობს ხეების მოჭრა”, -  ამბობს “გურია ნიუსთან” ერთ-ერთი ადგილობრივი.

ლანჩხუთის მერიის პრესსამსახურში ამბობენ, რომ მერიის ზედამხედველობის სამსახურმა ადგილზე შეისწავლა აღნიშნული საკითხი და ხეები იჭრება კერძო საკუთრებაში არსებულ მიწის ნაკვეთებზე მესაკუთრეთა მიერ, რაც არ საჭიროებს ადმინისტრაციული ორგანოს თანხმობას.