17 აფთიაქში "სააფთიაქო ნარკომანიის" ფაქტები გამოვლინდა - საგამოძიებო სამსახური
ფინანსთა სამინისტროს საგამოძიებო სამსახურის ცნობით, 17 მოქმედ აფთიაქში "სააფთიაქო ნარკომანიის" ფაქტები გამოვლინდა.
უწყების ინფორმაციით, გამოძიების შედეგად, ამოღებულია დიდი ოდენობით ფსიქოტროპული მედიკამენტი, რეალიზაციიდან მიღებული თანხა, ინფორმაციის შემცველი კომპიუტერული ტექნიკა და დოკუმენტაცია.
"გატარებული ოპერატიულ-სამძებრო ღონისძიებების შედეგად დადგენილ იქნა, რომ ხსენებულ სააფთიქო დაწესებულებებს არ გააჩნდათ საქმიანობისათვის საჭირო შესაბამისი ნებართვები, საიდანაც რეცეპტის გარეშე ხდებოდა სხვადასხვა დასახელების ფსიქოტროპული და სპეციალურ კონტროლს დაქვემდებარებული მედიკამენტების რეალიზაცია", - წერია უწყების განცხადებაში
აღნიშნული დანაშაული ისჯება საქართველოს სს კოდექსის 192-ე მუხლით, თავისუფლების აღკვეთით 1-დან 3 წლამდე ვადით.
