"Georgian Airways" რუსეთის მოქალაქეებისთვის თბილისიდან ევროპაში ტრანზიტულ რეისებს ჩაუშვებს - მედია

Georgian Airways რუსეთის მოქალაქეებისთვის თბილისიდან ევროპაში ტრანზიტულ რეისებს ჩაუშვებს. ინფორმაცია რუსულ მედიაში ვრცელდება.

რუსულ მედიასთან ამის შესახებ ავიაკომპანიის ხელმძღვანელმა თამაზ გაიაშვილმა განაცხადა.

გეგმაშია ევროპის ხუთი ქალაქი: მილანი, პარიზი, ვენა, ლარნაკა, სალონიკი.

"დავიწყებთ 15 ივნისიდან. ვნახოთ, როგორ წავა ეს საქმე. მაგრამ ვფიქრობთ, რომ საკმარისი მოთხოვნა იქნება ამ მარშრუტებზე. თბილისიდან იქნება უფრო კომფორტული და სწრაფი, ვიდრე სხვა მიმართულებებზე", - ამბობს გაიაშვილი.

Georgian Airways-ის პროგნოზით, რუსეთსა და საქართველოს შორის მგზავრთა ნაკადი თანდათან აღდგება.

„ბუნებრივია, ჩვენ შევინარჩუნებთ საჰაერო კომუნიკაციას რუსეთთან. საქართველოს მთავრობა ძალიან თბილად მიესალმა ამ გადაწყვეტილებას. ღმერთმა ქნას, რომ ის აღარასოდეს შეწყდეს", - თქვა გაიაშვილმა. 

გასულ კვირას საქართველოს პრეზიდენტმა სალომე ზურაბიშვილმა ბოკიკოტი გამოუცხადა აირზენას, ამ უკანასკნელმა კი სალომე ზურაბიშვილი პერსონა ნონგრატად გამოაცხადა თავის ბორტზე.

წყარო: რადიო თბილისი