მიხეილ სააკაშვილი კლინიკაში ანდრეი კასიანოვმა მოინახულა - რას წერს ექსპრეზიდენტი?
საქართველოს ექსპრეზიდენტი, მიხეილ სააკაშვილი სოციალურ ქსელში წერს, რომ კლინიკა „ვივამედში“ საქართველოში უკრაინის ელჩის მოვალეობის შემსრულებელმა, ანდრეი კასიანოვმა მოინახულა.
სააკაშვილის ინფორმაციით, მან ანდრეი კასიანოვთან უკრაინისა და საქართველოს პერსპექტივებზე ისაუბრა და მადლობა გადაუხადა ორი ქვეყნისთვის გაწეული შრომისთვის.
„დღეს ჩემთან იმყოფებოდა საქართველოში უკრაინის ელჩის მოვალეობის შემსრულებელი ანდრეი კასიანოვი, რომელიც ასრულებს თავის მუშაობას საქართველოში, ბევრი ვისაუბრეთ უკრაინის და საქართველოს პერსპექტივებზე, დავემშვიდობე და მადლობა გადავუხადე ორი ქვეყნისთვის გაწეული სამუშაოსთვის”, - წერს სააკაშვილი.
