რატომ ტოვებს სპალეტი "ნაპოლის“? - მიზეზი ცნობილია
მომავალ სეზონში ლუჩანო სპალეტი „ნაპოლის“ აღარ გაწვრთნის. ამის შესახებ Goal-ი კლუბის პრეზიდენტზე, აურელიო დე ლაურენტისზე დაყრდნობით წერს.
"სპალეტიმ მითხრა, რომ ციკლი დასრულდა და წასვლა უნდოდა. პატივს ვცემ მის გადაწყვეტილებას, კონტრაქტის მიუხედავად.
ლუჩანო სპალეტი შესანიშნავი მწვრთნელია, მაგრამ როცა ადამიანი მოდის შენთან და ამბობს, რომ კონტრაქტიც რომ ჰქონდეს, ერთი წელი დასვენება ურჩევნიაო, რას გააკეთებთ? ცხოვრებაში ყოველთვის გულუხვი უნდა ვიყოთ. მან კი გუნდისთვის ბევრი გაიღო და მადლობას ვუხდი. ის თავისუფალი ადამიანია და უბრალოდ გავუშვით", - განაცხადა დე ლაურენტისმა.
შეგახსენებთ, ლუჩანო სპალეტის თაოსნობით „ნაპოლიმ“ ბოლო 33 წლის განმავლობაში პირველად მოიპოვა ფეხბურთში იტალიის ჩემპიონის ტიტული.
