უკრაინაში მომავალი წლიდან ნაციზმზე გამარჯვება 8 მაისს აღინიშნება
უკრაინის უმაღლესი რადას გადაწყვეტილებით მომავალი წლიდან ნაციზმზე გამარჯვების და ხსოვნის დღე 8 მაისს აღინიშნება. ამის შესახებ „უნიანი“ იუწყება.
ეს დღე ოფიციალური დასვენების დღე იქნება. გადაწყვეტილებას 317-მა დეპუტატმა დაუჭირა მხარი.
აქამდე უკრაინაში 8 მაისს ხსოვნისა და შერიგების დღე აღინიშნებოდა, ხოლო 9 მაისს - ნაციზმზე გამარჯვების დღე. მიმდინარე წელს უკრაინის პრეზიდენტმა ვოლოდიმირ ზელენსკიმ ხელი მოაწერა გადაწყვეტილებას, რომლის მიხედვით 9 მაისს ყველა ევროპელის ერთიანობის დღე აღინიშნება, რომლებმაც ნაციზმი გაანადგურეს.
