"მაიმუნებს მივანდოთ მაიმუნური ცხოვრება, მაგრამ, როგორც ჩანს, არსებობს გარდამავალი კანონზომიერებები" - გია მურღულია
ფილოლოგი, გია მურღულია სოციალურ ქსელში ექსპერიმენტზე წერს, რომელიც მაიმუნთა ჯგუფზე ჩაატარეს.
"ერთხელ ასეთი ექსპერიმენტი ჩაატარეს:
შეკრიბეს რამდენიმე მაიმუნი, რომლებიც წინასწარ შეისწავლეს:
მათ შორის ერთი ყველაზე გონიერი იყო, მეორე - ყველაზე მოხერხებული, მესამე - ყველაზე ღონიერი, მეოთხე - ყველაზე კომუნიკაბელური, მეხუთე - ყველაზე დიდი და ა.შ.
აინტერესებდათ, ამ ახლადშექმნილ ჯგუფში რომელი გახდებოდა ლიდერი, წინამძღოლი.
ცოტა ხანი გავიდა და ყველაფერი გაცხადდა.
იცით, რომელი გახდა?
ყველაზე ხმამაღლა რომ ყვიროდა - ის.
მაიმუნებს მივანდოთ მაიმუნური ცხოვრება, მაგრამ, როგორც ჩანს, არსებობს გარდამავალი კანონზომიერებები.
...გათენება ღიმილიანი ფიქრით სჯობს", - წერს მურღულია.
