თბილისის საქალაქო სასამართლომ გიორგი მუმლაძეს 5 000 ლარიანი ჯარიმა დააკისრა
თბილისის საქალაქო სასამართლომ გიორგი მუმლაძეს 5 000 ლარიანი ჯარიმა დააკისრა. ინფორმაციას ამის შესახებ სოციალურ ქსელში თავად გიორგი ავრცელებს.
"გადაწყვეტილება მიღებულია 5000 ლარიანი ჯარიმა!
ჩვენ ვერ გაგვაჩერებენ, რადგან უნდა გავიმარჯვოთ
მადლობა ყველას მხარდაჭერისთვის", - წერს მუმლაძე.
შეგახსენებთ, თბილისის საქალაქო სასამართლო 2021 წლის 14 აპრილს, „ქართული ოცნების“ ოფისთან გამართული აქციის საქმეს განიხილავდა, რომლის დროსაც მუმლაძე დააკავეს და ბრალი წაუყენეს მუხლით, რომელიც 2-დან 5 წლამდე პატიმრობასაც ითვალისწინებდა.
გამოძიების თქმით, მუმლაძემ პოლიციის თანამშრომლებს სამსახურებრივი მოვალეობის შესრულებისას წინააღმდეგობა გაუწია და ფიზიკური შეურაცხყოფა მიაყენა.
