კარიმ ბენზემა მადრიდის „რეალს“ ტოვებს
მადრიდის „რეალის“ კაპიტანი, ფრანგი ფორვარდი, კარიმ ბენზემა კლუბს ტოვებს. ინფორმაცია ამის შესახებ „რეალმა“ დაადასტურა.
ბენზემა „რეალში“ 2009 წელს „ლიონიდან“ გადავიდა. მან მადრიდის „რეალთან“ ერთად 25 ტიტული, მათ შორის 5-ჯერ ჩემპიონთა ლიგა და 4-ჯერ ესპანეთის ჩემპიონატი მოიგო.
ბენზემამ „რეალში“ 647 მატჩი ჩაატარა და 353 გოლი გაიტანა, რაც კლუბის ისტორიაში მეორე საუკეთესო მაჩვენებელია.
სად გააგრძელებს ფრანგი თავდამსხმელი კარიერას, ჯერჯერობით უცნობია.
