ვაღიაროთ რეალობა - „ნაციონალური მოძრაობის“ გარეშე ოპოზიცია არჩევნებში გამარჯვებას ვერ მიაღწევს - პაატა მანჯგალაძე
ვაღიაროთ რეალობა - „ნაციონალური მოძრაობის“ გარეშე ოპოზიცია არჩევნებში გამარჯვებას ვერ მიაღწევს, ისევე როგორც პირიქით, - ამის შესახებ „სტრატეგია აღმაშენებლის“ გენერალურმა მდივანმა, დეპუტატმა პაატა მანჯგალაძემ განაცხადა.
იგი „ნაციონალური მოძრაობის“ თავმჯდომარის, ლევან ხაბეიშვილის ოპოზიციისთვის გაკეთებულ შეთავაზებას გამოეხმაურა.
„5-7%-ზე ჩვენ არ ვსაუბრობთ, საქართველოს გადარჩენაზე ვსაუბრობთ. საქართველოს გადარჩენა ნიშნავს ოპოზიციის გამარჯვებასა და „ქართული ოცნების“ ჩამოშორებას. მოცემულობაა, რომ „ნაციონალური მოძრაობის“ მონაწილეობის გარეშე ამ კოალიციაში ვერავინ გაიმარჯვებს. ამიტომ, ვაღიაროთ რეალობა - „ნაციონალური მოძრაობის“ გარეშე ოპოზიცია არჩევნებში გამარჯვებას ვერ მიაღწევს, ისევე როგორც „ნაციონალური მოძრაობაც“ ვერ მიაღწევს გამარჯვებას ოპოზიციის გარეშე“, - განაცხადა მანჯგალაძემ.
ლევან ხაბეიშვილი პოლიტიკურ პარტიებს „ნაციონალურ მოძრაობაში“ ეპატიჟება. ხაბეიშვილი, მათ არჩევნებისთვის დახმარებას ჰპირდება. კერძოდ, პოლიტიკურ პარტიებს ასწავლის, თუ როგორ უნდა გადალახონ საარჩევნო ბარიერი.
