მოგვცენ NATO-ს ქოლგა, შეგვიყვანონ EU-ში და ჩემზე მაგრად ვერავინ ვერ შეაგინებს რუსებს პირობას გაძლევთ - ბექა დავითულიანი
"ქართული ოცნების" დეპუტატი, ბექა დავითულიანი აცხადებს, რომ თუ საქართველოს EU-ში შეიყვანენ, მასზე მაგრად რუსეთს ვერავინ შეაგინებს.
"კრიტიკა ისმის ხშირად ხომ?! მე ზუსტად ვიცი რატომაც, იმიტომ რომ საქართველოს უჭირავს ძალიან ფრთხილი პოლიტიკა რუსეთთან მიმართებაში. პარტნიორები გვთხოვენ, რომ ხაზი გავლებულია და იყავით უფრო მკაფიო. საქართველოს აქვს შიშები, რაციონალურია ეს შიშები, რა ვიცი ახლა სიფრთხილის მიღმა რა გგონიათ ჟურნალისტს, ეს შიშები არის რაციონალური იმიტომ რომ, განსხვავებით ევროკავშირის წევრი სხვა ქვეყნებისგან საქართველოს ტერიტორიაზე დგას რუსის საოკუპაციო ჯარი და საქართველოს არ აქვს ნატოს ქოლგა. მოგვცენ ნატოს ქოლგა და შეგვიყვანონ ევროკავშირში და ჩემზე მაგრად ვერავინ ვერ შეაგინებს რუსებს პირობას გაძლევთ", - განაცხადა დეპუტატმა.
