უკრაინაში კიდევ ერთი ქართველი მებრძოლი დაიღუპა
უკრაინაში კიდევ ერთი ქართველი მებრძოლი, ზურაბ მუშუქია დაიღუპა. შემთხვევა ბახმუტთან ახლოს გუშინ, 6 ივნისს მოხდა. გავრცელებული ინფორმაციით, მებრძოლი დაბომბვას ემსხვერპლა.
ზურაბ მუშუქია გამოცდილი სამხედრო იყო, მონაწილეობდა აფხაზეთისა და აგვისტოს ომებში.
ბოლო ცნობებით, ზურაბ მუშუქია ფრონტის წინა ხაზიდან გადმოსვენებული არ არის. ის 46-ე ქართველი მებრძოლია, რომელიც უკრაინაში რუსეთის ომს შეეწირა.
