ვრცელდება აუდიო ჩანაწერი, რომელითაც მტკიცდება, რომ კახოვკის ჰესი რუსებმა ააფეთქეს
უკრაინის უსაფრთხოების სამსახურის მტკიცებით, უწყებამ მოიპოვა აუდიო ჩანაწერი, რომელიც ამტკიცებს, რომ ნოვაია კახოვკის ჰესი რუსულმა დივერსიულმა ჯგუფებმა ააფეთქეს.
გავრცელებულ სატელეფონო აუდიოჩანაწერში ისმის, თუ როგორ განიხილავს, სავარაუდოდ, ორი რუსი სამხედრო კაშხლის აფეთქებას.
შეგახსენებთ, რომ რუსეთის საოკუპაციო ძალამ ნოვაია კახოვკას კაშხალი დაბომბა, რის შედეგადაც დასახლებული პუნქტები დაიტბორა, არის მსხვერპლიც.
