16 ივნისს პარლამენტი ილია დარჩიაშვილს მოუსმენს
16 ივნისს საქართველოს პარლამენტი, მინისტრის საათის ფარგლებში, საგარეო საქმეთა მინისტრს, ილია დარჩიაშვილს მოუსმენს, - ამის შესახებ ინფორმაციას საქართველოს პარლამენტის პრესსამსახური ავრცელებს.
როგორც უწყება წერს, დღევანდელ სხდომაზე ბიურომ 13-16 ივნისის პლენარული სხდომების დღის წესრიგი განსაზღვრა.
ბიუროს სხდომის თავმჯდომარის შალვა პაპუაშვილის ცნობით, 15 ივნისს, ხუთშაბათს, თავისუფალი ტრიბუნით ისარგებლებენ საპარლამენტო პოლიტიკური ჯგუფები: "გირჩი" და "ლელო - პარტნიორობა საქართველოსთვის".
პლენარული სხდომების დღის წესრიგით, მიმდინარე სასესიო კვირას, 80-ზე მეტი საკითხის განხილვაა დაგეგმილი.
