აბა, სცადონ და არ მოგვცენ - ფრიდონ ინჯია კანდიდატის სტატუსზე
"ევროპელი სოციალისტების" დეპუტატმა, ფრიდონ ინჯიამ პლენარულ სხდომაზე სიტყვით გამოსვლისას, რომ საქართველო აუცილებლად მიიღებს ევოკავშირის კანდიდატის სტატუსს.
"დეოლიგარქიზაციის კანონი, ისევე, როგორც ის 12 მუხლი, ეს ყველაფერი არის იმისათვის, რომ ხელისუფლება შეიცვალოს. და ამას აბამენ სტატუსის მიღებას. მე ასე ვფიქრობ, რომ სტატუსს საქართველოს მისცემენ. და ეს არის 99%. აბა, სცადონ და არ მისცენ. ეს იმათ ინტერესშია უფრო მეტად. იმიტომ, რომ ჩვენ ჩვენ საქმეს თუ გავაკეთებთ და გავაგრძელებთ ისე, იმ ეკონომიკურ გარდაქმნებში, იმ ეკონომიკურ კანონებში, რომელიც უზრუნველყოფს ეკონომიკურ წინსვლას ქვეყნის, ჩვენ ეს გვჭირდება. რაც შეეხება ევროკავშირს და სხვა სტრუქტურებს, ეს არის გზა, მექანიზმი იმისათვის, რომ საქართველო გამთლიანდეს", - განაცხადა ფრიდონ ინჯიამ.
