რძე და ყველი, როგორც საფრთხე - რა ფოტოები ვრცელდება ფოთიდან?
სოციალურ ქსელში ვრცელდება ფოტო, რომელიც ფოთში, მძიმე მეტალებით დაბინძურებულ ტერიტორიაზეა გადაღებული.
"ფოტო გადაღებულია ფოთში, სპილენძის კონცენტრატის ქარხნის (შპს კაუკასუს მეტალს ტერმინალის) მიმდებარედ, სადაც ჰაერი და ნიადაგი მძიმე მეტალებითაა დაბინძურებული.
რძე, რომელიც ცნობილია, როგორც მძიმე მეტალების ტოქსიურობისა და სხვა მავნე ნივთიერებების გამანეიტრალებელი, თავად შეიძლება იქცეს საფრთხედ, როცა დამაბინძურებელი საწარმოს წინ ბალახობენ ძროხები", - ნათქვამია ფეისბუქგვერდის "ფოთელები - საკუთარი უფლებებისათვის" მიერ გავრცელებულ ინფორმაციაში.
