როგორ უნდა შეწყვიტოთ ზედმეტი ფიქრი და ფოკუსირდეთ რეალურ შედეგებზე? - წარმატების მიღწევის ეფექტური მეთოდები

მზადყოფნა აუცილებელია, მაგრამ ზედმეტად მომზადება და ფიქრი საშიში ჩვევაა. როგორც სამოტივაციო სპიკერი, ტონი რობინსი ამბობს, "წარმატების ერთადერთი გზა გადამწყვეტი მოქმედებების განხორციელებაა".

როდესაც ზედმეტად ფიქრობთ მოცემულ სიტუაციაში, თითქოს შეუძლებლად გეჩვენებათ პირველი ნაბიჯის გადადგმა.

შეწყვიტეთ ზედმეტი ფიქრი და ფოკუსირდით რეალურ შედეგებზე - გთავაზობთ ეფექტურ მეთოდებს:

მეტი დრო დაუთმეთ იმის ვიზუალიზაციას, რომ ყველაფერი სწორად მიდის.

როდესაც ახალ გეგმას ახორციელებთ, ხშირად ფიქრობთ წარუმატებლობაზე. თქვენი ტვინი, ფაქტობრივად, ამ ტიპის ნეგატიური აზროვნებისთვის არის შექმნილი. 

დაივიწყეთ სრულყოფილება... ნუ დაელოდებით იდეალურ დროს თქვენი ბიზნესის დასაწყებად. სინამდვილეში, მოცემულ მომენტზე უკეთესი დრო არ არსებობს. პერფექციონიზმი უფრო მეტ ოცნებას კლავს, ვიდრე წარუმატებლობა.

ამიტომ დაიწყეთ მოქმედება.

შიშის ფაქტორი - გახსოვდეთ, რომ ყოველი შესაძლებლობა ახალი დასაწყისის შანსია. წარსულში წარუმატებლობა არ ნიშნავს, რომ იგივე განმეორდება.

გახსოვდეთ, მსოფლიოში ყველაზე წარმატებულ ადამიანებსაც ეშინიათ, თუმცა ისინი არ ფერხდებიან თავიანთი ყველაზე დიდი ოცნებების განხორციელებისას.

თვითშემეცნება წარმატებული ადამიანების კიდევ ერთი გავრცელებული ჩვევაა.

თუ არ ხართ თვითშეგნებული, წვრილმანებზე ზედმეტად ფიქრიც კი წარმოუდგენლად ადვილია. ზოგჯერ საჭიროა მედიტაცია, თქვენი გარემოს შეცვლა ან დროის მარტო გატარება, რათა იპოვოთ რეალობა. შემდეგ კი ხვდებით, რა უნდა შეცვალოთ მასშტაბური ქმედებების განსახორციელებლად.

გაერიდეთ პრობლემას - ზოგჯერ ძნელია, თავი დააღწიოთ პრობლემას, რომლის გადაჭრასაც ცდილობთ. შეწყვიტეთ მონიტორზე ყურება იმ იმედით, რომ პასუხები ჯადოსნურად გამოჩნდება. დრო დაუთმეთ ვარჯიშს, წადით კინოში, მეგობრებთან ერთად გაერთეთ ბუნებაში. ხშირად მცირე შესვენება დაგეხმარებათ შეწყვიტოთ ზედმეტი ფიქრი, რაც თქვენი მიზნების მიღწევას განაპირობებს.

წარუმატებლობა გარდაუვალია თქვენს კარიერაში, ბიზნესში თუ ცხოვრებაში. როგორც კი მიხვდებით, რომ წარუმატებლობა პროცესის ნაწილია, წყვეტთ ზედმეტ ფიქრს და იწყებთ მოქმედებას.

წარუმატებლობა არ ნიშნავს იმას, რომ უნდა დანებდეთ. გაანალიზეთ, რომ მარცხი გაჩვენებთ გზას, რომელიც არაეფექტური აღმოჩნდა!