„რუს ოფიცრებთან ერთად ჩემს აშენებულ “რედისონში” სხედან და ჩვენს გმირებს დასცინიან, მე კი ტყვეობაში ვრჩები“ - რას წერს მიხეილ სააკაშვილი?

 საქართველოს მესამე პრეზიდენტი, მიხეილ სააკაშვილი აჭა­რის მთავ­რო­ბის თავ­მჯდო­მა­რის, თორ­ნი­კე რიჟ­ვა­ძის განცხადებას ეხმაურება, რომელმაც 2008 წლის ომს "ლაჩ­რუ­ლად წა­გე­ბუ­ლი“ უწო­და.

„გუშინ აჭარის მძარცველმა ბანდამ იკადრა და თქვა, რომ 2008 წელს მე გავიქეცი. 

2008 წლის აგვისტოში მე უარი რომ არ მეთქვა, ისევე როგორც ზელენსკის 2022-ში დასავლელი მეგობრების შემოთავაზებაზე ქვეყნის დატოვების შესახებ, ქართული დროშაც აღარ იფრიალებდა. 

სწორედ ამიტომ არსებობს ის ბათუმი, სადაც ახლა „ხელისუფლება” ჩეჩენ ბანდიტებს და რუს ოფიცრებს მასპინძლობს და მათ დაკრულზე ცეკვავს. 

ბრავო ელგუჯა ბაგრატიონს და გიორგი კირთაძეს! მაგრად მოსვეს ეს რუსის მონები ადგილზე. 

მათ ასევე ისაუბრეს 2008 წლის აგვისტოს ომში ჩვენს „სამარცხვინო მარცხზე“. 

უკრაინას მაინც უნდა ეჩვენებინა თუ რას გადავარჩინეთ საქართველო 2008-ში. 

რუსეთმა ვერცერთი თავისი სტრატეგიული ამოცანა ვერ შეასრულა და ეს ვერ უპატიებია დღემდე ჩემთვის პუტინს. 

სწორედ ეს არის ჩვენი გმირების დამსახურება. დღეს კიდევ ესენი რუს ოფიცრებთან ერთად ჩემს აშენებულ “რედისონში” სხედან და ჩვენს გმირებს დასცინიან, მე კი ტყვეობაში ვრჩები“, - წერს სააკაშვილი.

ინ­ფორ­მა­ცი­ის­თვის, აჭა­რის მთავ­რო­ბის თავ­მჯდო­მა­რემ, თორ­ნი­კე რიჟ­ვა­ძემ განაცხადა: "2008 წელს, ლაჩ­რუ­ლად წა­გე­ბუ­ლი ომის შემ­დგომ, სა­ა­კაშ­ვი­ლის ხე­ლი­სუფ­ლე­ბამ მწვა­ნე აუნ­თო, უვი­ზო რე­ჟი­მი და­უ­წე­სა და ყვა­ვი­ლე­ბით, ქარ­თუ­ლი ღვი­ნით ხელ­ში ეგე­ბე­ბო­და“.