ზურაბ ჯაფარიძე ადასტურებს, რომ მასზე თავდამსხმელი დაკავებულია (ვიდეო)
"გირჩი- მეტი თავისუფლების" ლიდერმა ზურაბ ჯაფარიძემ რამდენიმე წუთის წინ დატოვა გორის რაიონული სამმართველო. როგორც ის ადასტურებს, რომ მასზე თავდამსხმელი, სოსო მაისურაძე უკვე დაკავებულია.
ჯაფარიძე სამმართველოში დაკავებულის ამოსაცნობად იმყოფებოდა.
მომხდარზე კი გამოძიება 126-ე, ძალადობის მუხლით დაიწყო.
შეგახსენებთ, 17 ივნისს „გირჩი მეტი თავისუფლების“ ლიდერს ზურაბ ჯაფარიძეს გორში თავს დაესხნენ. ინფორმაცია ამავე პარტიის პრესსამსახურის წარმომადგენელმა ანა ყურაშვილმა გაავრცელა.
