"მთელი რაზმი განადგურდა" - უკრაინაში ცხინვალელი მებრძოლები მოკლეს

ჟურნალისტი, ლაშა ბერულავა რუსი ოკუპანტების მხარეს მებრძოლი ცხინვალელ ბოევიკების რაზმის უკრაინელების მიერ განადგურების შესახებ ავრცელებს ინფორმაციას.

"აივენგო ტეხოვი - ცხინვალელი ბოევიკი და "შტორმ. ოსეტიას" მეთაური მიაბრიდეს პიატიხატკისთან. 

მთელი რაზმი განადგურდა, რადგან არ დანებდნენ ალყაში მოყოლილებიო, მოთქვამენ რსულ-ოსური ტგ-არხები. 

კი დავდე ეგ უკვე, მაგრამ მაინც იყოს აქაც, მემორისთვის. მომავალ წელს გავიხსენოთ, როცა ომი უკრაინის გამარჯვებით იქნება დასრულებული და რუსეთის დაშლა - დაწყებული. 

აივენგო არა, პირდაპირ რიჩარდ ლომგული დაერქმიათ, აჯობებდა...", - წერს ბერულავა.

შეგახსენებთ, რომ რუსეთ-უკრაინას შორის ფართომასშტაბიანი ომი უკვე 1 წელზე მეტია მიმდინარეობს. რუსი აგრესორების მხარეს იბრძვიან ოკუპირებული ცხინვალის რეგიონის წარმომადგელებიც.

საქართველოს ორი რეგონი - აფხაზეთი და სამაჩაბლო რუსეთის მიერაა ოკუპირებული. კრემლი დღემდე აკონტროლებს საქართველოს ამ რეგიონებს.