"ზურა ჯაფარიძეზე შეტევა არის სტუდენტობაზე საერთო შეტევის ნაწილი“ - მიხეილ სააკაშვილი
საქართველოს მესამე პრეზიდენტი, მიხეილ სააკაშვილი სოციალურ ქსელში პოსტს აქვეყნებს და წერს, რომ ზურა ჯაფარიძეზე შეტევა სტუდენტობაზე საერთო შეტევის ნაწილია.
"კატეგორიულად ვგმობ ზურა ჯაფარიძეზე გახშირებულ ძალადობრივ თავდასხმებს. ზურა ყელში ეჩხირება რუსულ ხელისუფლებას, ვინაიდან მას აღმოაჩნდა ახალგაზრდობის მობილიზაციის განსაკუთრებული ნიჭი.
ზურაზე შეტევა არის სტუდენტობაზე საერთო შეტევის ნაწილი. საზოგადოებამ უნდა ისწავლოს არა მხოლოდ პროტესტის გამოთქმა, არამედ სწრაფი მობილიზაცია და თავისი უფლებების დაცვა.
თავს ესხმიან ზურას? - ყველა უნდა დავუდგეთ გვერდში. სცემენ ჩვენს შვილებს? - მამებმა უნდა შევუბრუნოთ ხელი. ჩვენ ბევრად მეტი და ბევრად უფრო ძლიერები ვართ!", - წერს მიხეილ სააკაშვილი.
