ავარიას, რომელიც ქართველმა გამოიწვია, 8 ადამიანი ემსხვერპლა, მათ შორის ერთი ოჯახის 5 წევრი - ტრაგედია პოლონეთში

ტრაგიკული ავარია პოლონეთში - ავტოსაგზაო შემთხვევის შედეგად, რომელიც, სავარაუდოდ, საქართველოს მოქალაქის პროვოცირებით მოხდა, 8 ადამიანი დაიღუპა. ინფორმაციას tv25 ავრცელებს.

წინასწარი დასკვნის მიხედვით, 24 წლის ქართველი, რომელიც "რენოს" მარკის ავტომობილს მართავდა, მოპირდაპირე ზოლში გადავიდა და საპირისპირო მიმართულებით მოძრავ ტრანსპორტს შეეჯახა.

ადგილობრივი მედიის ცნობით, დარტყმის ძალა იმდენად დიდი იყო, რომ საქართველოს მოქალაქე, რომელიც მართავდა „რენოს“ და მისი ორი მგზავრი, ასევე, მეორე ავტომობილში მსხდომი 5-წევრიანი ოჯახი დაიღუპნენ. 

ინციდენტის შედეგად დაშავებულები არიან ორსული და სამი ბავშვი.