მზად ვართ, მივიღოთ მიხეილ სააკაშვილი - მიხაილო პოდოლიაკი
უკრაინის პრეზიდენტის მრჩეველმა, მიხაილო პოდოლიაკმა განაცხადა, რომ ქვეყანა მზადაა, უკრაინის მოქალაქე და საქართველოს ექსპრეზიდენტი, მიხეილ სააკაშვილი მიიღოს.
"უკრაინის პრეზიდენტმა საჯაროდ განაცხადა, რომ უკრაინა მზად არის, მიიღოს თავისი მოქალაქე. რა თქმა უნდა, მეც ყოველ ჯერზე ამას ვამბობ. შარშან საგარეო საქმეთა მინისტრმაც გააკეთა ამ თემაზე განცხადება, რომ ნებისმიერ მომენტში მზად ვართ, მივიღოთ მიხეილ სააკაშვილი. ასევე, მზად ვართ გავაგზავნოთ ჩვენი ექიმები ან დავეხმაროთ მას საზღვარგარეთ ნებისმიერ კლინიკაში გასამგზავრებლად, რათა გაუწიონ აუცილებელი სამედიცინო დახმარება", - განაცხადა პოდოლიაკმა ვასილ გოლოვანოვთან ინტერვიუში.
