30 ივნისს ირაკლი ღარიბაშვილი პარლამენტს წლიურ ანგარიშს წარუდგენს
30 ივნისს, პარლამენტის პლენარულ სხდომაზე პრემიერ-მინისტრ, ირაკლი ღარიბაშვილს მოუსმენენ.
პრემიერი საკანონმდებლო ორგანოს წლიურ ანგარიშს წარუდგენს. ამის შესახებ პარლამენტის თავმჯდომარემ, შალვა პაპუაშვილმა, ბიუროს სხდომაზე განაცხადა.
"დაანონსებული არის და ბიურომაც მიიღო ამაზე გადაწყვეტილება, რომ მიმდინარე კვირას იქნება პრემიერმინისტრის წლიური ანგარიში. პარასკევს, 30 ივნისს. მანამდე გვექნება კანონპროექტები. მათ შორის, დაჩქარებული წესით განსახილველი და რამდენიმე ანგარიში მოსასმენი," - თქვა პაპუაშვილმა.
